Við fórum tvær austur á Selfoss á s.l miðvikudag á námskeið hjá Guðrúnu Erlu

Þar lærðum við nýja og skemmtilega aðferð í ræmusaumi og skorið með þríhyrningsstiku
 

Það var hægt að sauma á 3 vegu með ýmsum tilfærslum stjörnu eða sexhyrning í teppi eða dúk

Svo var kennd aðferð við að sauma dúk beint á bak og vatt sem heitir blómstrið eina

Við lærðum líka nýja aðferð við bindingu og sitt lítið af hverju

Alltaf gaman að læra eitthvað nýtt en tíminn var bara allt of stuttur hefði mátt vera heill dagur til að geta gert allt sem manni langaði til

Takk fyrir okkur Guðrún Erla hlökkum til að koma næst og læra eitthvað nýtt þú ert snillingur

Við saumuðum s.l þriðjudag eins og venjulega
 

Við erum búnar að vera mjög duglegar að hittast og sauma í hverri viku

Set hér inn nokkrar nýjar myndir

Á morgun er saumadagur hjá okkur

Í GÆR VAR SAUMADAGUR HJÁ OKKUR

Við kláruðum að sauma gardínurnar og koma þeim upp og erum mjög montnar af þeim

Það saumaði hver okkar eina kerlingu og síðan var ráðist í alla bútana og þeir saumaðir saman þvers og krus og úr því var þetta lystaverk til

Þær taka sig vel út í vinnustofunni okkar og eiga eftir að ylja okkur vel við saumaskapinn

Næst saumum við þriðjudaginn 20 mars

Nýjar myndir eru í albúmi

Við fórum í gær í heimsókn suður í Garð og áttum þar góðan saumadag með suðurnesjalúsum

Við mættum hjá þeim kl 5 og saumuðum til kl 22 

Takk fyrir okkur stelpur það var gaman að hitta ykkur Gerða við söknuðum þín

Veðrið var heldur orðið leiðinlegt á leiðinni heim og mikil hálka en við komumst allar heilar heim

nýjar myndir í albúmi

Við hittumst nokkrar síðasta þriðjudag og saumuðum  

 Við geymdum gardínusauminn að þessu sinni því það vantaði nokkrar í hópinn

Við fengum góðan gest til okkar Brynju Kjerúlf frá Akranesi

Næsta þriðjudag ætlum við að leggja land undir fót og fara suður í Garð í heimsókn og sauma með suðurnesjalúsunum ef veður leifir

Nýjar myndir í albúmi

Við saumuðum í dag og var haldið áfram að hanna og sauma gardínurnar fyrir vinnustofuna okkar
Allir afgangar voru tíndir til og saumaðir saman bæði ræmusaum og svo hálfkláraðar blokkir og bara allt sem til var saumað saman og út komu allskonar mynstur   
Við eigum þó samt eftir að klára  og bæta við en erum langt komnar með það
Þetta er mjög skemmtilegt verkefni hjá okkur þar sem við leggjum allt saman um að hanna þessi lystaverk   
Næsti ætlum við að sauma þriðjudaginn 28 febrúar og klárum þá verkefnið   
Nýjar myndir í albúmi

Við saumuðum í gær og var skemmtilegt verkefnið okkar  
 Við erum að hanna gardýnur fyrir gluggana á nýju vinnustofunni okkar og verður spennandi að vita hvernig þær verða þegar til kemur
Við vorum að læra pappírsaum sem sumar kunnu og kenndu okkur hinum
Það var mikill spenningur og gaman að læra eitthvað nýtt
Svo var dregið í Mug rug mottuleiknum og notum við þær til að skreyta hjá okkur vegg sem er í vinnustofunni og er skemmtilegt að sjá hugmyndirnar frá hverri og einni  
 Það er alltaf að verða heimilislegra hjá okkur og er velkomið fyrir alla sem vilja heimsækja okkur á saumadögum að kíkja við og sjá hvað við erum að gera   
Við erum búnar að ákveða sumarbústaðarferð í Húsafell 20-22 apríl 
 Næsti saumadagur verður á mánudaginn n.k
Nýjar myndir í albúmi  
            

Næsti saumadagur er á morgun þriðjudag 14.febrúar

Fyrsti saumadagurinn á árinu 2012 var í dag hjá okkur á nýjum stað í gamla Heiðarskóla lysthúsinu   Við byrjuðum snemma í morgun og saumuðum fram á kvöld
Það má segja að við höfum aldeilis rúmt á okkur og fór mjög vel um okkur nóg pláss okkur vantar bara dýnur þá getum við lagt okkur líka   
Við erum með sér saumastofu og gott pláss fyrir framan hana þar sem við erum með fínan hornsófa og er hann óspart notaður og gott að breyta um sæti af og til og spjalla saman og skoða blöð það er orðið mjög  heimilislegt og fínt hjá okkur 
Mikið var saumað í dag enda mikill kraftur í okkur kellum á nýju ári og erum við bara rétt að byrja
Myndir í albúmi

Næsti saumadagur er á morgun á nýja staðnum

Gleðilegt nýtt ár
 til allra frá
 Skraddaralúsum