Við fórum um síðustu helgi í sumarbústað í Húsafelli og vorum þar frá fimmtudegi til sunnudags 

Við vorum svona eins og farfuglarnir komum og fórum á mismunandi tímum vantaði bara eina lús með í hópinn 

Eins og venjulega þá var saumað mikið alla þessa daga langt fram á kvöld og nótt

Við komum allar með einn pakka með okkur sem settur var í pott og svo var dregið og fengum við allar einn pakka 

Svo var borðaður góður matur eins og heimagerð pizza dýrindis kjötsúpa og á laugardagskvöldið grilluðum við lambalæri með tilheyrandi fínheitum 

og varð ansi heitt þann daginn í kolunum 

Göngutúrar og heiti potturinn eru ómissandi í svona ferðum

Veðrið var gott en mikið rok og kuldi og snjókoma allskonar veður eins og von getur verið á þessum tíma Ekki var hægt að setjast út á pall núna eins og í fyrra það var svo kalt þó svo að sólin hafi brosað þessa daga 

Þegar komið var í Húsafell þurftu þær María og Dísa að moka pallinn til þess að komast inn

Þetta var sennilega loka saumahittingurinn með saumavélarnar þennan veturinn

Nýjar myndir í albúmi

Við ætlum að hittast heima hjá Heiðu n.k mánudagskvöld og spjalla saman og hafa smá fund

Gleðilegt sumar og takk fyrir veturinn

Til ykkar allra sem fylgst hafa með okkur í vetur

Við fórum suður í Garð á saumanámskeið hjá Ásdísi Erlu

Við lærðum að sauma bak og vatt einn löber nýjasta frá Dísuklúbbnum

Áttum við gott kvöld með skemmtilegum og hressum konum

Brunuðum við svo heim til að ná fyrir lokun Hvalfjarðarganganna

Nú í næstu viku er að skella á hjá okkur sumarbústaðaferðin í Húsafell

Nýjar myndir í albúmi

María og Dísa fóru á saumadaga í borg hjá Bóthildi í mars

Saumuðu ´ær barnateppi með stjörnum og lærðu líka að sauma áttur

Í albúmi eru myndir frá þeim

Við fórum til Reykjavíkur s.l þriðjudag að sauma með Ölfunum 

Við vorum 4 sem fórum og mættum við kl 5 og saumuðum fram á kvöld

Alltaf er jafn gaman að hittast og sjá hvað aðrir eru að gera og læra eitthvað nýtt og bæta við fleiri hugmyndum í safnið 

Takk kærlega fyrir okkur Ölfur 

Það er svo margt sem maður ætlar að gera og langar til en tíminn flýgur svo hratt núna það  er bara farið að styttast óðum saumadagarnir hjá okkur á þessum vetri 

Næsta þriðjudag ætlum við að fara í heimsókn til suðurnesjalúsanna og ætlum okkur að læra eitthvað nýtt þar 

Svo er það sumarbústaðurinn í Húsafelli 18 apríl 

Nýjar myndir í albúmi

Á morgun ætlum við að sauma með Ölfunum og förum við suður til þeirra og mætum þar kl 17

Við saumum eitthvað ffram á kvöld

Við höfum verið að skyptast á heimboði sem er mjög gaman þá lærir maður alltaf eitthvað nýtt

Saumadagur var hjá okkur í gær í Heiðarskóla í miklu roki varla stætt úti en við  saumuðum  fram á kvöld  

Við byrjuðum með fund og kaffi þar sem ýmislegt skemmtilegt er framundan t.d sumarbústaður  og heimsóknir 

Þær Dísa og María eru að fara á saumadaga hjá Bóthildi og læra þar eitthvað nýtt

Ég er að prufa nýja stjórnkerfið á síðunni okkar svo það er mikið að læra vonandi til batnaðar 

Næstu saumadagar verða í heimahúsi ætlar Selma að bjóða heim því við eru 3 að skreppa til útlanda

Nýjar myndir í albúmi

Nýja saumaaðstaðan okkar

Við fórum 4 skraddaralýs á saumahelgi að Eiðum um helgina

Flugum austur um miðjan dag á fimmtudag þar tóku á móti okkur nokkrar sprettur og keyrðu okkur á áfangastað sem var gamli barnaskólinn á Eiðum

Við komum okkur fyrir og var byrjað fljótlega að sauma og  fór konum að fjölga þegar líða tók á daginn

Um kvöldið var farið með okkur á Egilstaði og borðuðum við þar dýrindis
máltíð á gamla Egilstaðabúinu sem rekið er sem hótel núna áttum við þar góða kvöldstund síðan var farið aftur heim og byrjað að sauma og héldu þær bröttustuáfram  fram á nótt

Föstudagurinn rann upp og byrjaði með morgunmat og síðan var haldið áfram að sauma með matarhléum
 
Um kvöldið fengum við óvissuverkefnið og er það alltaf jafn spennandi það reyndist vera motta undir saumavélina til að geyma saumadót í t.d skæri og fl sem þær Jórunn og Eygló sáu um

Laugardagurinn var eins áfram haldið að sauma og sýnikennsla alltaf hæt að læra eitthvað nýtt
 
Um kvöldið var veislumatur og síðan glens og gaman og konur sýndu verkefni sem þær voru búnar að gera eða voru með í framleiðslu

Nokkrar voru duglegar að fara út að labba til að fá gott loft í lungun en það var mikil hálka misgott göngufæri

Kvenfélagskonur úr sveitinni sáu um að við vorum ekki hafðar svangar þær sáu um að elda ofan í okkur og var veisla í hvert mál maturinn frábærlega góður ástarþakkir til ykkar allra sem þar komu að verki

Quiltbúðin var mætt á staðinn með fullt af efnum og tilheyrandi sem hægt var að versla og Kristrún alltaf til í að leiðbeina okkur ef þörf var á

Það má segja að þetta hafi verið töskuhelgi því margar saumuðu töskur sem hægt er að nota báðum megin úr flottum efnum

Sunnudagurinn rann upp og þá þarf að gera alllt sem maður ætlaði að sauma en tíminn er alltaf svo fljótur að líða á svona helgum að hann búinn áður en maður veit af

Við áttum flug heim kl 17 og var okkur keyrt út á flugvöll eftir að hafa átt yndislega góða helgi og kynnst mörgum nýjum konum sem enn bætast í sauma vinkonuhópinn

Takk kærlega fyrir frábæra helgi og vel skipulagða hver veit nema að við komum aftur að ári

Flugið heim var dálítið órólegt en bara gaman

Myndir  í albúmi