Í gær fórum við 6 skraddaralýs vestur í Stykkishólm á Júlluhelgi   
Við fórum á 2 bílum 4  fóru um morguninn en 2 eftir hádegi
 Veðrið var algeg dásemlega gott alveg rennifæri alveg eins og á fallegum vordegi
Áttum við góðan dag með mörgum konum við saumaskap og tilheyrandi
Quiltbúðin var á staðnum og líka Júllubúð svo það var hægt að byrgja sig vel upp af efnum og því sem þarf í saumaskapinn
Við fórum út að borða í Narfeyrarstofu fengum við þar góða fiskiþrennu og tilheyrandi meðlæti
Takk fyrir góðan dag kæru saumavinkonur í minningu Júllu okkar hún verður alltaf í hjörtum okkar á svona dögum

Næsti saumadagur verður á næsta þriðjudag

Nýjar myndir í albúmi

Næsti saumadagur verður þriðjudaginn 22 febrúar á sama stað og venjulega kl 15
Síðasti saumadagur var langur og góður við saumuðum til kl 22 og varð okkur mikið úr verki
Á morgun laugardag ætlum við nokkrar skraddaralýs að skreppa í Stykkishólm á Júlluhelgi til að heiðra  og mynnast látinar saumavinkonu Júlíönu Gestsdóttur sem við kynntumst á Löngumýrarhelgunum okkar 
 Blessuð sé minning hennar

Nýjar myndir í albúmi

Við ætlum að sauma á morgun þriðjudag kl 15 á sama stað og venjulega og hafa hann langan fyrir þær sem vilja

Vegna slæmrar veðurspár frestum við saumadeginum sem vera átti í dag
Næsti saumadagur verður auglýstur síðar

Nýjar myndir í albúmi

Nýir tenglar frí mynstur

Næsti saumadagur er á þriðjudaginn 8 febrúar kl 15 á sama stað og venjulega

Næsti saumadagur er á morgun þriðjudaginn 25 janúar

Um helgina hittumst við gömlu skraddaralýsnar á sveitasetrinu hennar Gerðu Flagbjarnarholti í Landsveit Við vorum 8 hressar kellur sem áttum yndislega skemmtilega og góða saumahelgi í góðu yfirlæti húsmóðurinnar  
 Við vorum 5 sem vorum úr Hvalfjarðarsveit og 3 af suðurnesjunum
María var bílstjórinn okkar sem er orðinn fastur liður hjá okkur enda vön öllu skólabílstjóri og við orðnar háðar henni í þessum ferðum en við sjáum fram á það að við verðum að fara að stækka bílaflotann ef það heldur svona áfram með allan farangurinn annars er ótrúlegt hvað er hægt að troða og stappa í bílinn hennar  
 Við tókum þá ákvörðun á leiðinni heim að vigta bílinn á Kjalarnesinu en sáum eftir því að hafa ekki vigtað hann á leiðinni suður líka.3200 kg   
Við byrjuðum ferðina okkar á því að koma við í Álafossi til að kaupa garn Svo lá leiðin yfir Hellisheiðina með viðkomu í ótrúlegu búðina  þar var ýmislegt keypt í poka sem á eftir að líta dagsins ljós einhvern daginn
Næst var stoppað í Bót á Selfossi þar var heldur betur bætt í bílinn enda af nógu að taka alltaf gaman að komast í svona búðir enda bútasaumskonur á ferð
Við komumst á áfangastað hressar og kátar með allan fenginn sem var í öllum pokunum
´Það voru fagnaðarfundir að hitta suðurnesjalýsnar   
Það var byrjað að fá sér að borða góðan kjúlking með tilheyrandi sem Gerða eldaði svo var spjallað fram eftir kvöldi við byrjuðum óvanalega seint að sauma þetta kvöld enda öll helgin framundan við saumuðum smá og fórum svo í heita pottinn
Laugardagurinn var tekinn snemma því mörg voru verkefnin og húsið allt lagt undir í saumaskap
Kvöldmáltíðin var lambalæri frá Gerðu með tilheyrandi meðlæti af bestu gerð
Nú var komið mikið saumastuð og saumuðum við fram á nótt þá var farið í pottinn í æðislegu veðri það gerði snjókomu með stórum hundslappadrífum sem hafa ekki of sést
 Það er gott að fara í heita pottinn því maður endurnærist og þarf varla svefn getur bara haldið áfram að sauma
Sunnudagsmorguninn var nýttur til að sauma
Það var mikið saumað þessa helgi og alltaf jafn gaman hjá okkur en það er alltaf eins tíminn líður svo hratt að helgin er búin áður en maður veit af það vantar alltaf einn dag í viðbót   
Við kvöddumst sælar og glaðar og  strax farnar að hlakka til næstu saumahelgar í apríl
Á leiðinni heim komum við aftur við í álnavörubúðinni í Hveragerði til að bæta aðeins í bílinn
Elsku Gerða ástar þakkir fyrir okkur í Flagbjarnarholti þar er góður andi og gott að vera
Elsku María ástarþakkir fyrir góða keyrslu og koma okkur heilum heim


Myndir í albúmi

Við saumuðum í gær og áttum góðan dag við saumaskap spjall og skypulagningu saumadaga fram á vorið
Um næstu helgi ætlum við gömlu skraddaralýsnar að fara í heimsókn til hennar Gerðu á sveitasetrið hennar í Flagbjarnarholt og sauma um helgina þetta er orðinn fastur liður hjá okkur á þessum tíma að skreppa austur síðast vorum við hjá Ástu á Vöðlum
María ætlar að vera bílstjórinn okkar við förum 5 saman úr Hvalfjarðarsveit

Næsti saumadagur verður 25 janúar


Nýjar myndir í albúmi

Nýr tengiliður á handverk Kristínar hér til hægri á síðunni

Það klikkaði eitthvað hjá mér 
 Við byrjum á morgun að sauma 11 janúar
það verður saumadagur á morgun í Heiðarskóla kl 15

HVER VERÐUR GESTUR OKKAR NÚMER 25000   
Það væri gaman að fá smá kvitt frá honum
Það er gaman að sjá hvað margir skoða síðuna okkar og vilja fylgjast með okkur
Takk fyrir okkur

Við erum komnar í jólafrí núna Síðasti saumadagur var hjá okkur 30 nóvember byrjum við aftur í  janúar nánar auglýst síðar 

Það koma ýmsir skemmtilegir hlutir upp hjá okkur í skraddaralúsum á síðasta saumadegi fyrir jól var verið að tala um jólabókaflóðið þar á meðal bókina um framlið fólk sem kom út fyrir jólin þá fanst einhverjum þarna uppi nóg komið um okkar tal og slökkti bara á saumavélinni hennar Sigrúnar aftur og aftur svo við hættum þá bara að sauma þennan daginn en þegar heim var komið saumaði hún eins og engill allt kvöldið  
 
Við skraddaralýs óskum öllum gleðilegra jóla hafið það sem best og njótið jólahátíðarinnar  
 
Hittumst hressar og kátar á nýju ári

Nýjar myndir í albúmi

Breyting á saumadegi
 við saumum á morgun þriðjudaginn 29 nóvember í staðin fyrir 7 desember