Titill hér


11.10.2012 16:25

Saumadagar

Saumadagar okkar fram að áramótum verður á  þriðjudögum eins og venjulega

Annan hvern þriðjudag ætlum við að hafa langan og byrja um miðjan dag og sauma fram á kvöld og verður fyrsti þriðjudagurinn langur 23. október

Hina þriðjudagana verður frjáls mæting með tíma eins og við höfum haft

Það eru allir velkomnir að kíkja við hjá okkur þessa daga og sjá hvað við erum að gera skemmtilegt

Við vorum að kaupa okkur  flott  gufustraujárn sem er mjög gott að strauja með það munar miklu að hafa gott straujárn í svona saumaskap 

30.09.2012 15:12

Löngumýri 2012

Við fórum á saumahelgi að Löngumýri 20-23 september s.l smiley

Þetta er orðin árviss ferð hjá okkur Skraddaralúsum

Við vorum í þetta sinn 9 sem fórum 6 úr Hvalfjarðarsveit og 3 af Suðurnesjum og svo ein nit að norðan

Í þetta sinn var 10 ár frá því að quiltbúðin fór að vera með þessar helgar og alltaf jafn vinsælar heart

Við saumuðum mikið eins og vanalega og nutum lífsins með kærum saumavinkonum allstaðar af landinu erum orðinn góður hópur sem alltaf erum sömu helgina

við fengum gjöf frá quiltbúðinni og sem við saumuðum á föstudag og svo var flott óvissuverkefni  á laugardaginn cheeky

Við gáfum Kristrúnu gjöf frá okkur lúsum sem var lag sem við sungum með undirleik Gunnars staðarhaldara sem Hreinn Gunnarson orti fyrir okkur

og í tilefni afmælisins hekluðum við okkur allar kórónur sem við settum upp þegar við fluttum lagið

Ekki má gleyma konunum í eldhúsinu sem eru frábærir kokkar og sjá um að úr detti ekki ein máltíð þessa helgi kiss

Við endum alltaf þessa ferð með því að fá okkur hamborgara í Staðarskála ekki veitir af ekki má detta úr máltíð

Nýjar myndir í albúmi

 

Takk fyrir samveruna kæru vinkonur Hlökkum til að hitta ykkur að sama tíma að ári

 

 

Hér kemur lagið hennar Kristrúnar

 

 Uppí rútu eða bíl,

ofboðslegan kvenna skríl

Sig góðann þóttu gera díl

Að aka á Löngumýri

Nú hefst æfintýri

Viðlag  :

“Skraddara radda skraddara radda skraddara raddaralýs”  (endurt)

 

Yndislegt er á þeim stað

Þið ættuð nú að vita það

Langamýri,geysla bað

Undir sérst þar krauma

Við skulum allar sauma

Viðlag

Vinsældirnar eru, VÓ

Voða flinkar tejumst, JÓ

Í Strúnu oft við leitum þó

Því hún á efnin góðu   

Í Quilteraðri skjóðu

Viðlag

Við enda skulum þennan söng

Áður en byrtist langatöng

Því hún væri sannarlega röng

Elsku sumasystur

Amen og jesús kristur

Viðlag

 

Lag : nú er úti veður vont

Hreinn Gunnarsson 18/9 2012

 

 

 

 

 

 

07.09.2012 11:40

07.09.2012 11:23

Saumadagur

Við hittumst s.l þriðjudag eins og venjulega og saumuðum fram eftir degi

Mikið spjallað og spekúlerað um saumaskap og fleira

Við erum komnar í gírinn og erum byrjaðar að hita upp fyrir Löngumýri sem er árvisst orlof hjá okkur

Við ákváðum að kaupa okkur gott gufustraujárn með kúti og vigjum við það á næsta saumadag

Það fer voða vel um okkur á nýja staðnum sem við tókum á leigu í vor og er rúmt á okkur

ekki veitir af fyrir okkur með  allt dót sem fylgir svona saumadögum

NÆSTI SAUMADAGUR ER 'A ÞRIÐJUDAGINN 11 september

Nýjar myndir í albúmi

02.09.2012 23:04

Saumadagur

Næsti saumadagur er n.k  þriðjudag á sama stað og venjulega

Mæting eins og hver vill

21.08.2012 21:43

Vetrarstarfið að hefjast

Skraddaralýsnar hittust hressar og kátar í kaffi hjá Birgittu í dag

Vetrarstarfið skypulagt og nú er bara að byrja á fullu

Fyrsti saumadagur verður þriðjudaginn 28 ágúst og verðum við áfram á sama stað í lysthúsinu
og ætlum við að sauma vikulega

Nú er um að gera að fara að finna sér verkefni og hita saumavélarnar
 

það styttist óðum í Löngumýri


 


 

 

 

19.08.2012 15:20

Fyrsti hittingur

Nú er komið að því Skraddaralýsnar ætla að hittast n.k þriðjudag heima hjá Birgittu á Hlíðarfæti

Við ætlum að ræða vetrarstarfið sem fram undan er

Það líður óðum að Löngumýrarhelginni góðu sem verður 20-23 september

Sumarið er búið að líða svo hratt enda svo gott veður alla daga

Ný stjórn er hjá okkur núna þær Birgitta og Olga og eru þær í forsvari fyrir hópinn

María og Dísa hættu s.l vor eftir góða stjórnun og eiga þær bestu þakkir fyrir

Hittumst allar kátar og hressar og fullar af hugmyndum og eldmóð n.k þriðjudag til að byrja vetrarstarfið

31.07.2012 12:32

Til hamingju Birgitta

Ein af  Skraddaralúsum hún Birgitta átti stórafmæli 60 ára 25 júlí. sl

Til hamingju elsku Birgitta okkar frá okkur öllum hlökkum til að fá að knúsa þig

09.06.2012 09:44

Vorferðin

Við fórum í okkar árlegu vorferð á s.l þriðjudag

Ferðin var farin um Snæfellsnes á rútunni hennar Maríu

Við erum svo heppnar að hafa rútubílstjóra með okkur í hópnum hana Maríu svo við getum alltaf verið allar saman þegar við bregðum undir okkur betri fætinum viðð vorum 7 í þessa ferð og einn

Við keyrðum fyrst í Grundarfjörð og fengum okkur kaffi og meðlæti á kaffi 59

Fórum svo og heimsóttum Rifssaum hjá Katrínu Gísladóttir á Rifi hún er ein af okkar saumavinkonum frá Löngumýri og er með litla krúttlega búð þar með allskonar flottum vörum til prjóna og fleira fórum við ekki tómhentar þaðan út frekar en við erum vanar skraddaralýsnar keyptum sitt lítið af hverju í poka

Næst fórum við til Ólafsvíkur á bútasaumssýningu hjá Jöklaspori þar sem sýning var á verkum þeirra mjög flott sýning tóku þær á móti okkur með kaffi og bakkelsi takk fyrir okkur stelpur það var mjög gaman að hitta ykkur og kynnast hressum bútasaumskonum eins og alltaf er kátt á hjalla meðal þeirra og sameiginlegt áhugamál rætt þ.e BÚTASAUMUR

Næst fórum við heim til Diddu Jónu dóttir hennar Maríu og tóku þau hjónin á móti okkur í mat frábærri fiskisúpu með heimabökuðum bollum og í eftirétt fengum við dýrindis ekta súkkulaðiköku með rjóma og kaffi ástarþakkir fyrir okkur

Heim komum við saddar og alsælar eins og sést hér á lýsingunni  eftir góðan dag


 


 

29.05.2012 10:24

Saumadagur

Síðasti skráður saumadagur á þessu vori er í dag á sama stað og venjulega

Nú er sumarið á næsta leiti og ætlum við kanski að hittast einu sinni í mánuði að kvöldi til ef vel liggur á okkur og kanski einhvern rigningardag

  Næsta þriðjudag förum við í vorferðarlagið okkar  á Snæfellsnes ætlum við að skoða bútasaumsýningu hjá þeim í Ólafsvík og sjá hvað þær eru að gera


 

 

14.05.2012 10:57

Saumadagur

Saumadagur verður á morgun 15 maí á sama stað og venjulega í hamingjuhor

22.04.2012 23:08

Húsafell

Við skraddaralýsnar áttum saman yndislega góða helgi í Húsafelli um helgina

Við vorum 7 lýsnar og ein nyt svo kom ein í heimsókn  á laugardaginn

Helgin var vel nýtt mikið saumað prjónað og borðaður góður matur með öllu tilheyrandi  farið í heita pottinn

Mug rug var opnað bæði kvöldin

Við gerðum mjög skemmtilegt  verk sem voru skemmtilegar myndir af allskonar saumakellum og var flott að sjá þær allar samankomnar engin eins
´

 á laugardagskvöldið sáum við sérkennilegan hlut á lofti eins og fljúgandi furðuhlut rauðleitt ljós kom og flögraði á himninum dágóða stund

Veðrið lék við okkur sól og blíða alla helgina en heldur kalt en það var alveg hægt að sitja í sólinni úti á palli og slappa af

Bústaðurinn sem við vorum í var mjög flottur og rúmgóður og eigum við örugglega eftir að fara aftur seinna

 Myndir í albúmi

19.04.2012 00:14

GLEÐILEGT SUMAR

Gleðilegt sumar til allra sem fylgjast með okkur

Við fengum góða gesti s.l föstudag í hamingjuhornið okkar það voru þær Jórunn úr sprettunum og mamma hennar og Sigrún kom með þeim

Áttum við saman góða stund og kenndi Jórunn okkur að prjóna blóm og trefil með köðlum sem kaðlarnir eru eins báðum megin

Það var gaman að læra að prjóna þetta og nota t.d í tækifærisgjafir

Svo komu þær með það sem þær höfðu saumað og sýndu okkur

Takk kærlega fyrir komuna til okkar vonandi komið þið aftur sem fyrst

María fór á saumahelgi norður í Langadal með Bútós um s´l helgi

Nú styttist í sumarbústaðarferðina okkar í Húsafell er hún núna um helgina og förum við á föstudaginn


 

05.04.2012 15:49

GLEÐILEGA PÁSKA

Við hittumst s.l mánudag og saumuðum

Mættum snemmma því nú er komið páskafrí

Nú styttist óðum í sumarbústaðaferðina okkar sem verður 20-22 apríl í Húsafelli

Set hér inn nokkrar myndir af því sem við erum að gera

Nýjir linkar á síður hér á hliðarlínunni

Að lokum óskum við öllum GLEÐILEGRA PÁSKA og vonum að allir hafi það sem best


 

 

26.03.2012 11:42

Námskeið hjá Guðrúnu Erlu

Við fórum tvær austur á Selfoss á s.l miðvikudag á námskeið hjá Guðrúnu Erlu

Þar lærðum við nýja og skemmtilega aðferð í ræmusaumi og skorið með þríhyrningsstiku
 

Það var hægt að sauma á 3 vegu með ýmsum tilfærslum stjörnu eða sexhyrning í teppi eða dúk

Svo var kennd aðferð við að sauma dúk beint á bak og vatt sem heitir blómstrið eina

Við lærðum líka nýja aðferð við bindingu og sitt lítið af hverju

Alltaf gaman að læra eitthvað nýtt en tíminn var bara allt of stuttur hefði mátt vera heill dagur til að geta gert allt sem manni langaði til

Takk fyrir okkur Guðrún Erla hlökkum til að koma næst og læra eitthvað nýtt þú ert snillingur

Flettingar í dag: 168
Gestir í dag: 4
Flettingar í gær: 1376
Gestir í gær: 8
Samtals flettingar: 393264
Samtals gestir: 50288
Tölur uppfærðar: 21.10.2025 11:36:00

Eldra efni



Umsjón með vefsíðu Sigrún Sólmundardóttir

Nafn:

Skraddaralýs

Heimilisfang:

Hvalfjarðarsveit

Um:

Við erum hópur kvenna sem hittumst reglulega og saumum bútasaum Umsjón vefsíðu Sigrún Sólmundardóttir Belgsholti
clockhere

Tenglar