Fyrsti fundur skraddaralúsa var haldinn í gær heima hjá Dísu og var góð mæting
Nú eru breytingar hjá okkur í húsnæðismálum og er verið að vinna í því hvar okkur ber niður
þær eru í því María og Dísa
Við ætlum að setja allt á fullt næsta þriðjudag og byrja að sauma og undirbúa okkur fyrir Löngumýri ekki veitir af því tíminn líður svo hratt að það verður komið að því aður en við vitum
Nú er bara spennandi að vita hvar okkur ber niður

Við enduðum veturinn með smá ferðalagi um Borgarfjörðinn í maí

Maríavar bílstjóri og  fór á rútunni sinni við fórum af stað kl 16 
Byrjuðum á að stoppa í Borgarnesi kíktum við í nýja Nettó sem var að opna
  
Fórum svo í heimsókn í gallerý Gló þar tók  Eygló Harðardóttir á móti okkur og sýndi vinnustofuna sína og auðvitað gátum við verslað okkur slatta af skartgriðum hjá henni eins og hringa armbönd og hálsmen til að punta okkur með

Næst  heimsóttum við handavinnuhúsið hjá Erlu og Sísí og fengum við okkur smá prjón og hekl í poka og lærðum nýtt hekl

Síðan lá leið okkar upp að Hraunsnefi í Norðurárdal
Þar borðuðum við saman mjög góðan mat með öllu tilheyrandi 
Sveppasúpu úr viltum sveppum í forrétt og lambakjöt með bestu bláberjasósunni sem við höfum smakkað og vorum við allar sammála um það
 Mótökurnar á Hraunsnefi voru frábærar og var stjanað við okkur eins og við værum af kóngafólki Við fengum að horfa á söngvakeppnina á stórum risaskjá í sér sal og var maturinn borinn þangað til okkar á meðan og höfðumm við salinn einar 
 Þökkum við þeim hjónum á Hraunsnefi fyrir frábærar mótökur og góðan mat við eigum örugglega eftir að koma þangað aftur
 Heim fórum við svo saddar og sælar að lokum  og var þetta góður endir á saumavetrinum okkar þar sem við erum allar komnar í sumarfrí og bíðum bara eftir að hittast og byrja á að sauma aftur í haust
 Við þökkum öllum þeim sem hafa verið í samstarfi með okkur eða fylgst með okkur á síðunni
fyrir góðan vetur

Nýjar myndir í albúmi 
 

Vorferðin okkar er á morgun þriðjudaginn 10 maí
Lagt verður að stað frá Laxárbakka kl 16 og haldið i Borgarfjörðinn góða

Síðasti saumadagur á þessu vori veður næsta þriðjudag kl 15
Selma ætlar að bjóða okkur heim til sín Takk fyrir það
Síðan ætlum við að slíta þessu vori með sumarferð sem er ekki búið að ákveða hvert

Þá er frábærri saumahelgi í Ölver lokið   
Við mættum í Ölver á föstudaginn um hádegi og byrjuðum að sauma
 
Við vorum 17 sem mættu í allt sumar voru alla helgina og aðrar sem komu og fóru eða skruppu bara aðeins í burtu í smá tíma

Á föstudagskvöldið var þessi fína kjúklingasúpa sem Olga eldaði og tilheyrandi meðlæti ástarþakkir fyrir það Olga

Á laugardaginn komu Ölfurnar vinarklúbbur okka í heimsókn og saumuðu með okkur fram eftir degi 
Takk fyrir komuna stelpur alltaf gaman að hittast og sjá hvað þið eru að gera
Við fengum pottrétt frá Hótel Brú á laugardagskvöldið við máttum ekki vera að því að elda sjálfar svo voru þær María og Dísa búnar að föndra smá pakka handa okkur sem í var málband og lítill páskaungi svo dúllulegt hjá þeim

Eins og venjulega á svona saumahelgum er saumað langt fram á nótt og svo er farið í pottinn og slappað af og síðan smá lúr en alltaf vaknað snemma til að byrja aftur að sauma ekki slegið slöku við enda afreksturinn góður eftir svona helgi

Í Ölver var mjög gott að vera andinn góður í húsinu og öll aðstaða góð til að vera með svona saumahelgi María og Dísa sáu um allt skipulag fyrir þessa helgi að raða niður og hjálpuðumst við svo allar að með að gera þessa helgi góða og skemmtilega ástarþakkir til ykkar María og Dísa þetta var flott plan hjá ykkur

Það má ekki gleyma henni Ebbu systir Maríu sem kemur alltaf með okkur á svona saumahelgi hún kemur alla leið úr Skagafirði takk fyrir helgina elsku Ebba vonandi hefur heimferðin verið góð hjá þér

Tíminn líður allt of hratt því  helgin er búin áður en við vitum af ALLTAJ JAFN GAMAN

myndir í albúmi

Nú eru bara 4 dagar í saumahelgina okkar skraddaralúsa í Ölver
Þar ætlum við að eiga saman góða helgi og sauma mikið og gera allt sem því fylgir að vera á saumahelgi     
Við fáum kanski góða gesti til okkar á laugardaginn

Í þetta sinn förum við bara stutt að heiman svo við getum allar verið á okkar bílum þannig að farangurinn ætti allur að komast fyrir nóg af öllu þarf ekkert að skera niður svo er líka stutt að fara heim ef eitthvað gleymist

Næsti saumadagur er á morgun 5 apríl á sama tíma og venjulega

Síðasta þriðjudag komu skraddaralýsnar í heimsókn í Belgsholt til að skoða nýju vinnustofuna mína og fengu að prufa Takk fyrir heimsóknina stelpur
Nú styttist í Ölvershelgina okkar og verður mikið gaman hjá okkur Þar verðum við frá föstudegi til sunnudags


Nokkrar myndir í albúmi

Stelpur ég ætla að bjóða ykkur til mín í Belgsholt næsta þriðjudag 29 mars í nýju saumastofuna mína mæting bara á sama tíma og saumadagarnir okkar
 Hlakka til að sjá ykkur Kveðja Sigrún
 hér er smá sýnishorn af saumavélarborðinu

Næsti saumadagur verður á þriðjudaginn 22 mars n.k kl 15 á sama stað og venjulega
Síðasti þriðjudagu datt niður hjá okkur vegna veðurs   
Vonandi verða veðurguðirnir okku hliðhollir þennan þriðjudag

Næsti saumadagur verður þriðjudaginn 15 mars kl 15 á sama stað og venjulega

Í gær fórum við 6 skraddaralýs vestur í Stykkishólm á Júlluhelgi   
Við fórum á 2 bílum 4  fóru um morguninn en 2 eftir hádegi
 Veðrið var algeg dásemlega gott alveg rennifæri alveg eins og á fallegum vordegi
Áttum við góðan dag með mörgum konum við saumaskap og tilheyrandi
Quiltbúðin var á staðnum og líka Júllubúð svo það var hægt að byrgja sig vel upp af efnum og því sem þarf í saumaskapinn
Við fórum út að borða í Narfeyrarstofu fengum við þar góða fiskiþrennu og tilheyrandi meðlæti
Takk fyrir góðan dag kæru saumavinkonur í minningu Júllu okkar hún verður alltaf í hjörtum okkar á svona dögum

Næsti saumadagur verður á næsta þriðjudag

Nýjar myndir í albúmi

Næsti saumadagur verður þriðjudaginn 22 febrúar á sama stað og venjulega kl 15
Síðasti saumadagur var langur og góður við saumuðum til kl 22 og varð okkur mikið úr verki
Á morgun laugardag ætlum við nokkrar skraddaralýs að skreppa í Stykkishólm á Júlluhelgi til að heiðra  og mynnast látinar saumavinkonu Júlíönu Gestsdóttur sem við kynntumst á Löngumýrarhelgunum okkar 
 Blessuð sé minning hennar

Nýjar myndir í albúmi

Við ætlum að sauma á morgun þriðjudag kl 15 á sama stað og venjulega og hafa hann langan fyrir þær sem vilja