Helgina 5-8 okt fóru 4 konur á saumahelgi með Pjötlunum fyrir vestan
Lögðum við á stað eftir hádegi á fimmtudeginum og vorum við komnar vestur um kl 19 með góðum stoppum í Búðardal og kaffi á Hólmavík
Heiðrún var bílstjóri á sínum landcruser og var bíllinn vel hlaðinn af dóti eins og vanalega þegar farið er í saumabúðir
Mikið var saumað alla dagana og heilsubótarganga og sundlaugin notuð mikið
Veðrið var frábært alla dagana
Við saumuðum óvissuverkefnið á föstudagskvöldið sem var flott lítil taska inn í stærri töskur til að geyma smádótið í
Svo var vissuverkefni hjartataska á laugardaginn og ég var með sýnikennslu í að vefja körfur og sauma
Mikið var borðað alla helgina svo ekki fórum við svangar heim
Heimferðin gekk vel og komum við sælar og áægðar heim eftir vel heppnaða helgi
Takk fyrir okkur kæru saumasystur fyrir vestan
Myndir koma seinna í albúm
